ДУШАН МИТРЕВ СТАНА НОВ ГЕНЕРАЛЕН ДИРЕКТОР НА „ПИВАРА СКОПЈЕ“

    ДУШАН МИТРЕВ СТАНА НОВ ГЕНЕРАЛЕН ДИРЕКТОР НА „ПИВАРА СКОПЈЕ“Митрев е дел од „Пивара Скопје“ од 2010

    Душан Митрев ја презеде функцијата генерален директор на „Пивара Скопје“, заменувајќи го Горан Сладиќ, кој продолжува да раководи со деловните операции на „Кока-кола“ во Нигерија.

    Митрев припаѓа на генерацијата млади професионалци кој своите знаење, искуство и менаџерски вештини ги градеше во „Пивара Скопје“, на која се приклучи во 2010. Во 2016 стана финансов директор на компанијата, а во изминатите три години беше директор на продажба на „Кока-кола“ во БиХ.

    „Се радувам што си доаѓам дома, во ‘Пивара Скопје‘, на чело на тимот и средината кои многу добро ги познавам. Тргнувајќи од мотото ‘Еднаш Пиварец – секогаш Пиварец’, имам силна енергија и визија како заедно со вработените да продолжиме да ја водиме ‘Пивара Скопје‘ напред, вложувајќи во нејзините одржлив раст и развој и во натамошно јакнење на довербата и задоволството на потрошувачите“, изјави Митрев.

    Минатата година, „Пивара Скопје“ ја одбележа 100-годишнината од основањето, а догодина ќе прослави и 100 години од почетокот на производството на „скопско“.

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира