Еуролинк осигурување денеска во Битола донираше 76 таблет компјутери за децата од Заводот за децата со оштетен слух, говор и глас и други проблеми во развојот „Кочо Рацин“, соопшти компанијата. Заводот„Кочо Рацин“ години активно работи веќе 70 години на рехабилитација и образование на децата со оштетен слух, говор, глас.

Во заводот се регистрирани 76 деца од целата држaва, од кои 36 се интернатски сместени. Во однос на типот и степенот на попреченост во институцијата се опфатени деца со оштетен слух, деца со аутизам, деца со интелектуална попреченост и деца со комбинирани пречки во развојот – мултихендикепирани деца.

„Во годината кога Еуролинк слави 15 години од своето постоење, продолжуваме да го даваме својот придонес во поддршка и унапредување на образованието, овој пат за децата со оштетен слух, говор и глас за да им го олесниме пристапот во совладување на воспитно – образовната програма, да им овозможиме еднакви можности за развој, како и на другите нивни врсници“, кажа Олга Костовска, претседател на Надзорниот одбор на Еуролинк Осигурување.

Активноста е дел од платформата за Корпоративно општествена одговорност на осигурителната компанија „Еуролинк – Вашата врска со вистинските вредности“.