Долниот дом на францускиот парламент усвои закон со кој лингвистичка дискриминација, односно исмевање регионални акценти ќе стане прекршок на ниво на расизам, сексизам и други забранети форми на предрасуди. Прекршителите би можеле да се соочат со затвор до три години или со парична казна до 45.000 евра.

Францускиот премиер Жан Кастекс е еден од оние чиј акцент често се исмева и притоа велат дека зборува како рабист, имајќи предвид дека потекнува од југозападниот дел на земјата, каде што овој спорт е многу популарен.

Овој закон ќе донесе олеснување за огромен број Французи кои зборуваат со регионални акценти и често се соочуваат со исмевање и презир во земјата која се наоѓа под културна, економска и политичка доминација на Париз. Французите дури измислија збор за да ја опишат оваа дискриминација – глотофобија, која сега со закон ќе биде забранета.

Според едно истражување од јануари годинава, 16% од луѓето во Франција биле изложени на дискриминација поради нивниот акцентот.