Градот Агде на медитеранскиот брег во Франција е најпознат по своите прекрасни песочни плажи и сонце преку целата година, но познат е и по дивите секс забави. Градот е дом на најголемата свингерска заедница во Европа. Десетици илјади двојки секоја година одат во градот за да ги заменат партнерите.

Но, во моментов, Агде е актуелен по новиот скандал кој се случи неодамна. Станува збор за локална гатачка и градоначалникот на градот, Жил д’Еторе, поранешен офицер на тајната служба и полицаец. И двајцата се во затвор додека се под истрага. Гатачката Софија Мартинез е обвинета за измама на градоначалникот, а тој е обвинет за корупција затоа што трошел на неа раскошни суми градски пари.

За Мартинез се зборувало дека може да зборува со мртвите. Кога градоначалникот побарал од неа да воспостави контакт со неговиот починат татко, таа наводно успеала. Додека изведувала сеанси, нејзиниот глас наеднаш ќе се сменел и ќе го примел гласот на таткото на градоначалникот.

Во изминатите четири години се тврди дека таа лично и телефонски манипулирала со градоначалникот. Тој доби илјадници мистериозни повици од „гласови“ на мртвите, вклучително и ангели, а некои од нив го повикуваа градоначалникот да ѝпомогне на гатачката.

Се тврди дека градоначалникот со пари од градскиот буџет платил раскошни одмори во Полинезија и во Тајланд за Мартинез и за нејзиното семејство. Се тврди дека „гласовите“ го убедиле да вработи неколку членови од нејзиното семејство во градскиот совет, и да го реновира нејзиниот дом.

Адвокатот на градоначалникот, Жан Марк Даригед, преку ноќ стана славна личност.

„Тоа е луда приказна. Неверојатно е затоа што се работи за човек во политиката, градоначалник и поранешен пратеник кој е многу интелигентен. И откривате дека со таков маж може да манипулира жена. Таа ја открила неговата слабост и ја искористила за лична корист. Помина долго време пред да прифати дека е измамен“, велат од канцеларијата на адвокатот.

Но, адвокатот на Мартинез, Лук Абраткиевич, има поинаков став.

„Таа призна дека ја изневерила довербата на градоначалникот, но тоа не е случај на манипулација затоа што го поседувала она што го направила, а други клиенти, вклучувајќи лекари и архитекти, рекле дека има мистична моќ“, вели тој.

Во едно кафуле во близина на градското собрание, еден клиент на адвокатот Даригед рече: „Можеби бил вљубен во неа“.

Градот Агде во Франција е дом на најголемата свингерска заедница во Европа. (Фото: Гети)

Друг локалец низ насмевка додаде: „За мене сексот е во центарот на скандалот. Таму каде што се вклучени пари, тогаш тоа значи дека и сексот е дел од тоа. Тие некако одат заедно“.

Едена од најгласните критичарки на градоначалникот е Фабиен Варесано, локална политичарка од Националната партија на Марин Ле Пен. Таа го повика градоначалникот да поднесе оставка.

Судијата ги држи во притвор и градоначалникот и гатачката за да спречи манипулирање на потенцијалните сведоци. Мартинез е преместена во самица откако била нападната во нејзиното единствено крило во затворот за жени, а затворениците ја обвинувале за вештерство.