Италијанските нуркачи открија остатоци од древен римски брод покрај брегот на Сицилија, за кој се верува дека е стар повеќе од 2.000 години. Бродот е пронајден со стотици добро сочувани амфори, кои се користеле за транспорт на стоки, како вино и маслиново масло.

Министерот за култура Алесандро Џули кажа дека ова е едно од најважните подводни археолошки откритија во последните години.

Специјализирани полициски нуркачи го пронајдоа бродот на длабочина од околу 46 метри, по дојава од рибари. Според извештаите во локалните медиуми, остатоците од бродот се долги 21 метар и широки шест метри.

Министерството за култура вели дека бродот датира од вториот или од првиот век.

Се смета дека на дното на Средоземното Море има доста вакви древни бродови.