Почина 76-годишниот Индиец за кој се веруваше дека беше главата на најголемото семејство на светот. Зиона Чана беше лидер на христијанска секта во која мажите смеат да практикуваат полигамија и зад себе остави 38 жени, 89 деца и 36 внуци.

Иако Чана двапати беше застапен во популарното ТВ-шоу „Верувале или не“, тешко е да се потврди дали тој навистина го држел светскиот рекорд за најголемо семејство на светот. Без разлика на тоа, Чана и неговото семејство привлекуваа многу туристи во нивното село во североисточна Индија.

Огромното семејство живее заедно во куќа на четири спрата, која има 100 соби. Според други извори, тоа брои 39 жени, 94 деца, 33 внуци и еден правнук, односно вкупно 181 член.

Роден во 1945, Чана својата највозрасна жена ја запознал кога имал 17 години. Семејството припаѓа на секта што ја основал дедото на Чана во 1942 година и денес има околу 2.000 следбеници.