Ричард Роџерс, архитектот на светски познати дела како центарот „Помпиду“ или Бобур во Париз или „Милениум доум“, сега позната како лондонска „02 Арена“ почина на 88 години, соопшти неговиот портпарол.
Роден е во 1933 во англиско-италијанска фамилија во Фиренца, се образовал на Архитектонската школа во Лондон, а магистрирал на Јеил. Во 1970-те и 1980-те, Роџерс стана славен поради два објекта кои беа оценети како контроверзни во тоа време, бидејќи однадвор ги постави лифотвите и климауредите, како на пример Помпиду и зградата Лојдс во Лондон. Во 2007 ја доби највисоката архитектонска награда Прицкер за Помпиду.
Негови се и дизајните за Европскиот суд на човекови права во Стразбур, Велшкото собрание во Кардиф, Терминалот 5 на аеродромот Хитроу во Лондон и Терминалот 4 на мадридскиот Барахас. Исто така, и Светскиот трговски центар 3 во Њујорк, облакодерот од 80 спрата кој стои на местото на поранешните Кули близначки.
