Првиот маж на светот кој се вакцинираше против ковид-19 почина од мозочен удар на 81 година, пет месеци откако се запиша во историјата.

Вилијам Шекспир ја прими првата доза од вакцината на „Фајзер/Бионтек“ во болницата во Ковентри во декември, набргу по 91-годишната Маргарет Кинан, која прва на светот се имунизираше против ковид-19.

„Најдобрата посвета за Бил е да одете да се вакцинирате“, изјавија од градската власт на Ковентри.

Шекспир беше пациент во болницата кога ја прими вакцината.

„Бил беше многу благодарен што му беше понудена можност да биде еден од првите луѓе на светот кои ќе ја добијат вакцината. Беше многу горд на тоа и постојано охрабруваше други да се вакцинираат“, изјави неговата сопруга Џил, со која беше во брак 53 години.