СУПЕРХЕРОИТЕ НА „МАРВЕЛ“ СОБРАА 5 МИЛИОНИ ДОЛАРИ ЗА БОЛНИ ДЕЦА

    СУПЕРХЕРОИТЕ НА „МАРВЕЛ“ СОБРАА 5 МИЛИОНИ ДОЛАРИ ЗА БОЛНИ ДЕЦАПол Рид, Скарлет Јохансон, Роберт Дауни Џуниор, Бри Ларсон, Крис Хемсворт и Џереми Ринер во Дизни ресортот во Калифорнија (Фото: АП)

    Одмаздниците на „Марвел“ помогнаа во собирање на донација од 5 милиони долари за помош на тешко болни деца во болниците низ светот.

    Роберт Дауни Џуниор, Крис Хемсворт, Скарлет Јохансон, Џереми Ринер, Пол Рид и Бри Ларсон на настанот во Дизни ресортот во Анахајм, Калифорнија донираа пари и играчки кои ќе бидат наменети за хуманитарни организации и детски болници.

    „Повеќе од кога било, сега е време да им се оддолжиме на овие храбри деца кои нѐ инспирираат“, рече Дауни Џуниор, кој ги игра Тони Старк и неговото алтер-его Ајронмен.

    Скарлет Јохансон, Пол Рид, Џереми Ринер, Пол Рид и Крис Хемсворт на настанот во Дизни ресортот во Анахајм, Калифорнија (Фото: АП)

    Компанијата „Дизни“ донираше еден милион долари на Фондацијата за деца „Старлајт“, која се грижи за образованието на децата кои се во тешка здравствена состојба во повеќе земји, како САД И Велика Британија. Повеќе компании како „Лего“ и „Амазон“ донираа повеќе од 4 милиони долари за детските болници во светот.

    „Благодарерн сум и трогнат дека сум дел од оваа акција. Работам со многу деца и семејства. Не се работи само за децата, туку за целото семејство. Голем чест е да можеш да им се оддолжиш“, рече Пол Рид, кој го игра Ентмен.

    „Одмаздници: завршна игра“  во кината ќе игра од 26 април и со времетраењето од 182 минути, ќе биде најдолгиот филм на „Марвел“ досега.

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира

    Коментари