„Ние“ е насловена годинашната кампања на Граѓанската иницијатива за заштита, промоција и унапредување на правата на сексуалните работници „Стар-Стар“, кои денеска го одбележуваат Меѓународниот ден за СТОП на насилството врз сексуалните работници. Поради пандемијата на ковид-19, тие денеска не го одржаа традициналниот Марш на црвениот чадор низ Скопје, туку наместо тоа, на Плоштадот Македонија ги отворија црвените чадори и со транспаренти порачаа „Нашите тела не се јавни простори“.
Наместо марш по 13.пат, за вечерва во 18 часот е најавен нивниот тричасовен уметнички перформанс на излозите на Универзална сала.
Годинава кампањата е насловена „Ние“. (Фото: К. Попов)
„Пет девојки пред жешките излози на Универзална сала кои за момент ќе ви го доближат шармот на улицата на црвените фенери со борделите во Амстердам, но и на времето кога Скопје живеел боемски живот и се будел со првиот мрак и посетите на атрактивните сексуални работнички“, велат организаторите.
Преносот ќе може да се следи на Фејсбук страната на СТАР – Прв колектив на сексуални работници на Балканот и на партнерите ХОПС – Опции за здрав живот Скопје и Коалиција МАРГИНИ.
„Стар-Стар“ е невладина организација, која од 2012 активно работи на имплементација на програмата за ХИВ превенција помеѓу сексуалните работници
