Најмалку едно добитно ливче, во Јужна Каролина, е пријавено за најголемиот џекпот во историјата на американската лотарија, што на победникот ќе му донесе награда од рекордни 1,6 милијарди долари.

Официјалните лица на лотаријата Мега милионс кажаа дека во Јужна Каролина е продадено едно ливче со погодени сите шест бројки. Во исто време, имало и 15 втори награди, кои изнесуваат по еден милион долари.

Извлечените бројки кои вредат повеќе од една и пол милијарда долари се 28, 70, 5, 62, 65, 5 и се проценува дека шансите тие да се погодат изнесуваат еден наспроти 300 милиони.

Ако победникот избере сумата одеднаш да му биде исплатена, тој, сепак, нема да стане милијардер, бидејќи по одбиените даноци ќе му останат 913 милиони долари. Другата опција е сумата да му се исплатува на рати во наредните 29 години.

Ливчињата за Мега милионс се продаваат во 44 американски сојузни држави и џекпотот не беше извлечен од јули годинава.