На Железничката станица во Скопје полициски службеници ја пронајдоа малолетничката што беше пријавена дека се оддалечила од домот во Скопје, соопшти МВР.

„Денеска околу 12.50 часот на Железничката станица во Скопје полициски службеници од СВР Скопје ја пронајдоа К. Р. (14), за која од страна на нејзината мајка И. Т. (33) од н. Илинден, Скопје, на 02.08.2024 околу 23.45 часот беше пријавено дека по претходна расправија, се оддалечила од домот“, вели МВР.

Веднаш по добиената пријава, преземени се соодветни мерки и активности од страна на полициските службеници од СВР Скопје и девојчето е пронајдено и ќе биде предадено на родителот.