АКО ДОГОВОРОТ ЗА ИМЕТО ГО ПОДДРЖАТ ГРАЃАНИТЕ НА ДВЕТЕ ЗЕМЈИ, ЌЕ ГО ПОДДРЖИМЕ И НИЕ, КАЖА ЛАВРОВ

    АКО ДОГОВОРОТ ЗА ИМЕТО ГО ПОДДРЖАТ ГРАЃАНИТЕ НА ДВЕТЕ ЗЕМЈИ, ЌЕ ГО ПОДДРЖИМЕ И НИЕ, КАЖА ЛАВРОВРускиот министер за надворешни работи Сергеј Лавров денеска во Москва имаше средба со грчкиоѕ колега Никос Коѕијас. - Од заедничката прес-конференција (Фото: Руско МНР)

    Рускиот министер за надворешни работи Сергеј Лавров, кој денеска во Москва имаше средба со грчкиот колега Никос Коѕијас, рече дека Русија ќе го поддржи договорот за името меѓу Македонија и Грција ако тој добие поддршка од граѓаните на двете земји.

    „Секогаш нагласувавме дека се залагаме за пронаоѓање договор за тој проблем, без мешање однадвор, без наметнување вештачки услови. Говоревме дека ќе го поддржиме решението кое ќе биде во интерес на Грција и на Македонија и кое ќе се потпира на широка општествена поддршка. Се надевам дека договорот кој вчера беше објавен е токму таков“, изјави Лавров, одговарајќи на новинарско прашање на заедничката прес-конференција со Коѕијас.

    Премиерот Зоран Заев вчера потврди дека наесен ќе има референдум и граѓаните ќе го имаат последниот збор. За во Грција не е најавен референдум.

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира

    Коментари