Американскиот амбасадор Џес Бејли ги повика политичките партии и институциите да ги остранат сите пречки за работа на Специјалното јавно обвинителство и да обезбедат нормално работење на Парламентот.

При денешната посета на туристичкиот локалитет Кокино, каде што со помош на УСАИД и Швајцарската влада беа поставени туристички знаци и патокази, Бејли изјави: „Како што подолго време укажуваме, ги повикуваме сите партии и институциите да работат за отстранување на сите пречки за дејствување на Специјалното јавно обвинителство за да може да се утврди одговорност за прислушувањето и за содржината разговорите што произлегоа од него“.

Во врска со одлуката на СДСМ привремено да ги замрзне активностите во Собранието, Бејли изјави: „Многу е важно политичките партии да обзебедат нормално работење на Парламентот и како што ЕУ вчера истакна, да покажат одговорност за спроведување на Пржинскиот договор и за движење на Македонија кон ЕУ и НАТО“.