„Битола не е на продажба“ извикуваа неколку стотици битолчани и бараа оставка од градоначалникот Владимир Талески. Вечерва „Шарената револуција“ се пресели и во Битола. Демонстрантите ја обоија општинската фасада фрлајќи со балони со различна боја.

Толпата тргна од Офицерскиот дом, низ Широк Сокак до канцеларијата на претседателот Ѓорѓе Иванов и застана пред општината каде зборуваа повеќемина демонстранти.