Апелациониот суд Скопје ја прифати жалбата на осудениот во „Рекет“ Бојан Јовановски-Боки 13 и тој од ефективен, оди во куќен притвор.

Јовановски 15 месеци е во притвор под сомневање дека зел од бизнисменот Орце Камчев 1,5 милион евра и тие пари ги испрал, со тоа овозможил и приходи да избега од државава. Тој е обвинет и во случајот „Меѓународен сојуз”, за кој тече судска постапка, но е моментално во прекин поради тоа што на Јовановски му е влошена здравствената состојба и постојано е в болница.

„Решението на првостепениот суд се преиначува на начин што се укинува мерката притвор спрема обвинетиот Б. Ј. и се определува мерка куќен притвор“, вели Основниот кривичен суд Скопје.

Јовановски е единствениот обвинет кој остана во притвор, за разлика од други осомничени или обвинети за многу потешки кривични дела кои се бранат од слобода.

С. К. ДЕЛЕВСКА