Пет нови случаи се позитивни за коронавирус, со што вкупната бројка на заразени во државава стигна до 31, соопшти Министерството за здравство. Попладнево биле тестирани 10 пациенти, а пет од се позитивни.

„Позитивна е сопругата на веќе дијагностицираниот пациент од Скопје и 4 здравствени работници – двајца доктори и две медицински сестри од Дебар“, велат од Министерството и додаваат дека повеќе информации ќе има по седницата на Владата.

Докторот од Дебар Арбен Аголи попладнево на Фејсбук објави дека персоналот е позитивен на коронавирус и оти амбулантата ќе биде во карантин следните две недели.

Б. НЕСТОРОСКА