Mедицинскиот директор на Клиничката болница Штип д-р Александар Стојановски е разрешен, а на негово место Министерството за здравство го именуваше д-р Ален Георгијев. Од Министерството велат дека одлуката за разрешување на медицинскиот директор ја донеле по вонредната инспекција и контрола на болницата, која се одвиваше изминатите денови.

„При инспекцијата во Клиничката болница Штип воочени се одредени нерегуларности во работењето, неетичко однесување од дел од вработените, а воедно утврдено е дека и хигиената во установата не е на задоволнително ниво. Врз основа на констатираното донесена е одлука за разрешување на медицинскиот директор“, велат од Министерството за здравство.

Нов директор денес доби и Центарот за јавно здравје Штип, односно д-р Марија Димитрова, го замени досегашниот директор Велик Грков.

„Разрешен е и економскиот директор на Клиничката болница Тетово“, велат од Министерството за здравство.