На Детската клиника за првпат е испорачан лекот „восоритиде“ за пациентите со ретка болест Ахондроплазија, соопшти Министерството за здравство.

Лекот е клучен за третманот на болеста и влијае на поттикнување на развојот на пациентите со Ахондроплазија, болест која се манифестира со џуџест раст, веднаш по раѓањето.

Министерот за здравство Фатмир Меџити вели дека лекот е обезбеден за три пациенти, како што било побарано од самата клиника.

За набавка на лекот обезбедени се дополнителни 50 милиони денари во буџетот на Програмата за лекување на лица со ретки болести.