Министрите за надворешни работи на Македонија и Грција Никола Димитров и Никос Коѕијас се договориле да ги продолжат преговорите, по денешната средба во канцеларијата на ОН во Виена со личниот пратеник на Генералниот секретар на ОН, Метју Нимиц.

„По конструктивната средба која е дел од напорите за наоѓање на заедничко прифатливо решение за надминување на разликата околу името, министрите за надворешни работи се согласија да ги продолжат напорите под покровителство на ОН “, соопшти МНР.