Одзивот на гласачите за парламентарните избори е 13,69 отсто до 11 часот, а за претседателските е 12,87 отсто, соопшти Државната изборна комисија (ДИК) на втората денешна прес-конференција.

Како што кажаа од ДИК, најголема излезност за претседателските избори има во општина Пробиштип (27,85%), а најмала во општина Липково (1,76%). За парламентарните избори, најголем е одзивот во општина Кривогаштани (28,38%), а најмала во општината Врапчиште (5,2%).

„Во споредба со парламентарните избори во 2020 година, имаме зголемување на излезноста за 2,69 отсто“, кажа претседателот на ДИК, Александар Даштевски.

Денеска се одржуваат 7. претседателски и 11. парламентарни избори. Право на глас имаат 1.814.317 граѓани. Цензусот за претседателски избори е 40 отсто.