На денешниот состанок на централно претседателство на ДУИ, кое веќе е во тек во седиштето на партијата во Мала Речица, ќе се расправа за повлекување на министрите на ДУИ од техничката Влада, велат партиски извори за „Мета“.

Доколку централното претседателство донесе ваква одлука, актуелната Влада на преодниот премиер Емил Димитриев ќе остане без една третина од министрите.

Тоа, според нивните пресметки, би значело дека треба да се формира нова влада под итна постапка.

Лидерот на ДУИ Али Ахмети денеска свика итен состанок на централното претседателство на кој ќе се бара излез од блокадата во Собранието, но ќе се расправа и за однесувањето на Беса.