Двајца пациенти починаа во Градската општа болница „8 Септември“, пациент од Скопје (78 години) примен на 7 мај и пациент од Тетово (77 години), на болничко лекување од 14 мај, објави на Фејсбук министерот за здравство Венко Филипче.
Во изминатите 24 часа се направени 533 тестирања, а регистрирани се 22 нови случаи на КОВИД-19 и тоа во: Скопје-8, Штип-2, Прилеп-2, Тетово-3, Струга-1, Велес-4, Свети Николе-1 и Гостивар-1. Досега во земјата се направени вкупно 22.255 тестирања на КОВИД -19.
Од вкупниот број направени тестови во изминатото деноноќие, 203 теста се во рамките на скринингот во градинки во Велес и Скопје и сите се негативни. Од досега направените 908 тестирања на вработените во градинките во Битола, Скопје и Велес потврден е само еден позитивен случај на КОВИД-19 во Битола.
За денеска, Институтот за јавно здравје регистрира 50 оздравени пациенти.
– Скопје 16
– Куманово 10
– Прилеп 6
– Тетово 15
– Велес 1
– Крива Паланка 1
– Валандово 1
Во земјава, вкупно ковид дијагностицирани се 1.839 лица, оздравени се 1.351, починати се 106, а активни се 382.
Б. НЕСТОРОСКА
