Разрешениот директор на струшкиот затвор Арменд Шаќири ќе биде нов директор на новоформираното струшко јавно претпријатие Паркови и Зеленило. Одлуката поминала на Советот на Општина Струга.

Тој за медиумите демантираше дека бил дел од криминална група осомничена за трговија со оружје и рога.

„По наредба на Основниот суд имаше контрола во затворот и јас дадов исказ, но не како осомничен, туку како управител одговорен за установата“, изјави Шаќири за Телевизијата 24.

Извори од МВР потврдуваат дека Шаќири сè уште е под истрага.

Владата пред два дена го разреши Арменд Шаќири од директор на струшкиот затвор по негово барање.

Неофицијално, Шаќири е разрешен по полициската акција во Струга и околината на 7 јули кога беа приведени неколку лица за дрога и рекет. Шаќири беше викнат на информативен разговор во МВР поради можна злоупотреба на службена положба со поддржување на нелегални активности.