Емисијата „Код“ на Снежана Лупевска Созен за настаните од 27 април во Собранието и Менче Атанасова Точи за приказната за гинекологот кој девет месеци лажел жена дека е бремена се добитници на наградите за истражувачка сторија од Здружението на новинари на Македонија (ЗНМ). Наградата за животно дело доби новинарот Љубомир Гајдов.

Менче Атанасова Точи истражуваше скандал во здравството за лекарот кој девет месеци лажел жена дека е бремена, кој доби епилог.

Снежана Лупевска Созен со екипата на „Код“ која ја сочинуваат Миомир Серафиновиќ и Билјана Николовска преку серијалот објави со наслов „Истрага за крвавиот четврток“ ги истражува настаните во Собрание од 27 април 2017 година.

На предлог на иницијативна група, наградата за животно дело ја доби новинарот Љубомир Гајдов, кој педесетина години е дел од новинарството.

Новинарот Гајдов во својата кариера бил известувач и коментатор од големи светски настани, кои ја сменија светската историја, долгогодишен новинар на МТВ и Радио Скопје.

ЗНМ денес одбележа 72 години од формирањето.