Финансиската полиција го истражува работењето на секторот отпад при Министерството за животна средина и просторно планирање. Инспекторите од Управата за финансиска полиција пред две недели правеле увид во работата на овој сектор во Министерството за животна средина и просторно планирање.
Извори на САКАМДАКАЖАМ.МК велат дека инспекторите ги барале на увид документите за сите издадени дозволите за колективните постапувачи со отпад и дека контролите траеле неколку дена.
Од Управата за финансиска полиција за САКАМДАКАЖАМ.МК потврдија дека има истрага во Министерството и велат дека ги прават завршните проверки.
„Многу брзо ќе има подетални информации, кои ќе ги соопштиме на јавноста“, велат од Финансиската полиција.
