ГЕРМАНИЈА ДОНИРАШЕ 8 РЕСПИРАТОРИ ВРЕДНИ 233 ИЛЈАДИ ЕВРА ЗА ОДДЕЛИТЕ ЗА ИНТЕНЗИВНА НЕГА

    ГЕРМАНИЈА ДОНИРАШЕ 8 РЕСПИРАТОРИ ВРЕДНИ 233 ИЛЈАДИ ЕВРА ЗА ОДДЕЛИТЕ ЗА ИНТЕНЗИВНА НЕГАДиректорката на Инфективната клиника во Скопје, д-р Милена Стевановиќ, министерот за здравство Венко Филипче и германската амбасадорка Анке Холштајн на денешната промоција на донацијата. (Фото: Министерство за здравство)

    Германија донираше осум респиратори во вредност од 233 илјади евра за здравствените установи во земјава. Станува збор за осум респираторни апарати, тип Дрегер Евита В 600, кои имаат модул и за инвазивна и за неинвазивна нега. Тие се дистрибуирани во одделите за интензивна нега таму кадешто се лекуваат пациентите заболени од ковид-19, соопшти Министерството за здравство.

    Ова е втор пакет помош од почеткот на коронакризата. Германија веќе донираше 152.000 евра на четири јавни здравствени установи во земјава како поддршка во справувањето со пандемијата на коронавирусот. Помош добија Клиниката за инфективни болести и фебрилни состојби, Клиниката ТОАРИЛУЦ,  Клиниката за неврохирургија и Детската клиника.

     

    На промоцијата на донацијата, амбасадорката изјави дека се радува што медицинските апарати доаѓаат во вистинско време.

    „Оваа донација е по иницијатива на сојузната Влада за време на германското претседателство во Советот на Европската Унија, за помош на државите од Западен Балкан при пандемијата од ковид-19. Со оглед на актуелните состојби, главен акцент на нашето претседателство е справување со пандемијата и нејзините последици. Овде, во регионот на Западен Балкан сакаме да покажеме дека нашите партнери при борбата можат да се потпрат на нас“, рече Холштајн.

    Германската амбасадорка Анке Холштатј во неодамнешно интервју за САКАМДАКАЖАМ.МК рече дека досега Германија го поддржа регионот со 5 милиони евра.

    „Дополнителни 10 милиони евра се во фаза на планирање. Не треба да се заборави дека ЕУ стави на располагање 3,3 милијарди евра помош, а од таа сума околу една третина се средства од германските даночни обврзници“, рече амбасадорката во интервјуто.

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира