Александар Верушевски, синот на советникот за национална безбедност на Владата Зоран Верушевски, е соговорникот на Зоран Заев на четири аудио снимки кои на 9 мај се појавија на каналот јутјуб од  авторот „Бошко Буха“. Лидерот на СДСМ, одговарајќи на новинарско прашање, денеска рече дека разговорот е од пред 4 години, кога Александар бил на ручек кај него во Струмица.

Гласот на соговорникот на Заев на снимките беше мутиран.

„Седевме ручавме и ете сега видов дека ме снимал. Во добри односи сме и сега. Јас сум пријател со неговото семејство, многу ги сакам неговите дечиња. Тој така одлучил, така направил. Знаете дека и со неговиот татко соработувам како советник на национална безбедност“, рече Заев.