ЈАНЕ ЧЕНТО И ЗАТВОРОТ ШУТКА СЕ СМИРИЈА, СО ПИСМО СЕ ИЗВИНУВА И СИ ЈА БАРА СТАРАТА ЌЕЛИЈА НАЗАД

    ЈАНЕ ЧЕНТО И ЗАТВОРОТ ШУТКА СЕ СМИРИЈА, СО ПИСМО СЕ ИЗВИНУВА И СИ ЈА БАРА СТАРАТА ЌЕЛИЈА НАЗАДВо писмото притвореникот Ченто навел дека тој лично ја прифаќа одговорноста за постапката која била предизвикана од негово погрешно однесување и му се извинил на затворот. - Јане Ченто на судење за 27 април (Фото: СДК.МК)

    Притворениот Јане Ченто, обвинет за организираниот напад на Собранието на 27 април 2017 година, испратил писмо до управата на затворот во Шутка кај што ја издржува мерката, со кое си ја бара ќелијата назад. Тој е преместен во друга ќелија по инцидентот со затворската полиција за мобилен телефон, кој по наоѓањето кај него, одбил да им го даде.

    Во писмото до директорот Ѓоко Котевски и до вработените во затворот, Ченто признава дека погрешил и дека е виновен за инцидентот на 18 јануари оваа година. Во писмото, притвореникот Ченто навел дека тој лично ја прифаќа одговорноста за постапката која била предизвикана од негово погрешно однесување, и се извинил.

    Притвореникот Ченто во писмото побарал простување, но и да биде вратен во собата во која бил пред настанот со кој го наруши редот во затворот.

    Котевски вели дека како и секое, и барањето на Ченто ќе биде разгледано и тој ќе биде известен за одлуката.

    С. К. ДЕЛЕВСКА

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира

    Коментари