ЈОВО ВАНГЕЛОВСКИ ПРАВОСИЛНО РАЗРЕШЕН ОД ПРЕТСЕДАТЕЛ НА ВРХОВНИОТ СУД И ОД СУДИСКАТА ФУНКЦИЈА

    ЈОВО ВАНГЕЛОВСКИ ПРАВОСИЛНО РАЗРЕШЕН ОД ПРЕТСЕДАТЕЛ НА ВРХОВНИОТ СУД И ОД СУДИСКАТА ФУНКЦИЈАЈово Вангеловски беше разрешен од Судскиот совет во септември минатата година поради незаконската постапка околу овозможувањето на Сеад Кочан да се брани од слобода. (Фото: СДК.МК)

    Жалбениот совет во Врховниот суд правосилно го разреши поранешниот претседател на Врховниот суд Јово Вангеловски. На седницата одржана вчера, жалбениот совет расправал и ја одбил жалбата на Вангеловски, која се однесуваше на одлуката на Судскиот совет од 10.9.2019 да го разреши од претседател на Врховниот суд и од судиската функција.

    Вангеловски беше разрешен беше поради незаконската постапка околу овозможувањето на Сеад Кочан да се брани од слобода. Со три гласа „за“, пред две и пол години Вангеловски и уште двајца врховни судии го ослободија избеганиот Кочан од притвор.

    Вангеловски е разрешен за несовесно вршење на функцијата. На општа седница, без изгласана одлука со мнозинство дека Државниот јавен обвинител (тогаш Марко Зврлевски) може да се меша во предметите на СЈО, Јово Вангеловски прими Барање за заштита на законитоста (БЗЗ) од Ацо Колевски и со тоа БЗЗ го спаси Кочан од притвор.

    Врховниот судија Фаик Арслани беше избран за в. д. претседател на Врховниот суд, веднаш по разрешувањето на претседателот Јово Вангеловски од Судскиот совет.

    С. К. ДЕЛЕВСКА

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира