Вечерашните концерти на Сол Вилијамс и Батида од програмата на Скопскиот фестивал Офф фест наместо во 20.30 часот, се презакажуваат за 22.45, односно во 00.45 часот, соопшти организаторот преку Фејсбук.

Образложението е дека одложувањето на концертите е поради финалето на Лигата на шампионите, што се игра вечерва.

Во истиот термин од 20.30 часот е закажана забава на Шарената револуција „Информативен разговор“, пред полициската станица „Центар“. Таа не се одлага поради фудбалскиот натпревар.

Фестивалот Офф фест почна синоќа со камерен концерт на вокалистката и виолинистка Ива Битова од Чешка и продолжи со журка на СенЖермен во Метрополис арената во Скопје.