КОВАЧЕВСКИ ПРЕЧЕКАН ВО СОФИЈА СО НАЈВИСОКИ ДРЖАВНИЧКИ И ВОЕНИ ПОЧЕСТИ ПРЕД УТРЕШНАТА ЗАЕДНИЧКА ВЛАДИНА СЕДНИЦА

    КОВАЧЕВСКИ ПРЕЧЕКАН ВО СОФИЈА СО НАЈВИСОКИ ДРЖАВНИЧКИ И ВОЕНИ ПОЧЕСТИ ПРЕД УТРЕШНАТА ЗАЕДНИЧКА ВЛАДИНА СЕДНИЦАКовачевски е само осум дена премиер, но оваа меѓувладина седница се одржува едвај недела дена откако новиот бугарски премиер ја посети Македонија. (Фото: СДК.МК)

    Од Софија за САКАМДАКАЖАМ.МК: Соња Делевска

    Со највисоки државнички и воени почести на плоштадот Александар Невски во Софија, бугарскиот премиер Кирил Петков го пречека македонскиот премиер Димитар Ковачевски.

    Петков и бугарската влада се домаќини на Ковачевски и министрите од нашата влада, на заедничката седница која ќе почне утре изутрина и ќе трае до доцна вечерта.

    Како дел од програмата на посетата на премиерот Ковачевски на Софија, тој и премиерот Петков претходно положија венци цвеќе на спомениците на Непознатиот воин и на Светите браќа Кирил и Методиј. Двајцата премиери го посетија Македонскиот културно-информативен центар во главниот град на Бугарија за официјално да го означат почетокот на работата на дописништвото на државната агенција МИА во Софија.

    Ковачевски е само осум дена премиер, но оваа меѓувладина седница се одржува едвај недела дена откако новиот бугарски премиер ја посети Македонија, зашто веднаш беа договорени активности за кои двајцата кажаа дека брзо ќе се тераат.

    Петков и бугарската влада се домаќини на Ковачевски и министрите од нашата влада, на заедничката седница која ќе почне утре изутрина и ќе трае до доцна вечерта. (Фото: СДК.МК)

    Забрзување на изградбата на автопатот на Коридорот 8, со години зачмаен од македонската страна, новиот граничен премин Клепало, составување на комисиите за економија и стопанска соработка, образование, култура, иновации… се отприлика главните активности за кои ќе работат и ќе се договараат двете влади овде во Софија.

    Ковачевски е дојден со првиот негов заменик Артан Груби, со вицепремиерите Славица Грковска и Фатмир Битиќи, потоа министерот за надворешни работи Бујар Османи, министерот за економија Крешник Бектеши, министерот за земјоделство Љупчо Николовски, министерот за образование Јетон Шаќири, министерот за локална самоуправа Горан Милевски, министерката за култура Бисера Костадиновска-Стојчевска, министерот за транспорт и врски Благој Бочварски, министерот за животна средина Насер Нуредини и министерот за информатичко општество и администрација Адмирим Алити.

     

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира