МАКЕДОНЦИ СО МАКЕДОНСКИ ЈАЗИК ОД РЕПУБЛИКА СЕВЕРНА МАКЕДОНИЈА, ОБЈАВУВААТ ГРЧКИТЕ МЕДИУМИ ДЕЛОВИ ОД ДОГОВОРОТ

    МАКЕДОНЦИ СО МАКЕДОНСКИ ЈАЗИК ОД РЕПУБЛИКА СЕВЕРНА МАКЕДОНИЈА, ОБЈАВУВААТ ГРЧКИТЕ МЕДИУМИ ДЕЛОВИ ОД ДОГОВОРОТВо однос на државјанството ќе се користи терминот Македонско/граѓанин на Република Северна Македонија, со експлицитно наведување дека граѓаните на таа држава не се поврзани со античката грчка цивилизација. - Плакат против промена на името во центарот на Скопје (Фото: Ѓ. Личовски)

    Договорот за Северна Македонија, постигнат за време на вчерашниот телефонски разговор меѓу премиерите Алексис Ципрас и Зоран Заев, се очекува да биде потпишан до крајот на неделата, објавија грчките медиуми, кои објавија и детали од договорот. Според информациите на радиото „Њуз24/7“, пренесени од провладината „Ефемерида“, двајцата премиери ги договориле и одредниците за „македонски јазик“ и „македонски државјанин“, а во македонскиот устав нема да има референци за заштита на македонските малцинства надвор од границите.

    Македонскиот јазик е признат, со забелешка дека Северна Македонија признава во договорот дека јазикот е со словенско потекло. За националноста, ќе стои терминот „македонска/граѓанин на Република Северна Македонија“, исто така, со забелешка дека граѓаните на земјата не се поврзани со античка Македонија.

    Објавени се и фазите за спроведување на договорот:

    • Ратификација на договорот во македонскиот парламент.
    • Непотпишување од страна на претседателот Ѓорге Иванов и враќање на документот во парламентот.
    • Писмо од грчката влада до ЕУ и НАТО за почеток на пристапните преговори и покана за членство во НАТО, со услов да се направат уставни промени.
    • На Советот на министри за надворешни работи на ЕУ (25-26 јуни) и ЕУ Самитот (28-29 јуни) треба да биде даден позитивен сигнал за почеток на преговорите и покрај забелешките на Франција и Холандија, со поддршка од Германија.
    • На НАТО Самитот (11 јули) ќе биде доделена покана за членство на Северна Македонија, со услов уставни промени.
    • Писмо од владата на Заев до над 190 земји со кои Македонија има дипломатски односи дека името е променето во Северна Македонија за билатерална и меѓународна употреба.
    • Во периодот од јули до декември, владата на Заев ќе спроведе референдум и ако резултатот е позитивен, ќе се пристапи кон уставни промени. Ако е негативен, има план „Б“ за предвремени парламентарни избори.
    • Откако целиот процес ќе заврши во Македонија, договорот ќе дојде на ратификација во грчкиот парламент и истовремено ќе биде ратификувано членството на Македонија во НАТО.

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира