Професорот, писател и преведувач Драги Михајловски, писателот и новинар Ристо Лазаров и актерот Перо Арсовски се годинашни добитници на наградата „11 Октомври“, највисоко признание за животно дело во областа на науката, уметноста, стопанството и другите дејности од јавен интерес на Македонија, соопшти Министерството за култура.
За животно дело во областа на здравството, наградата ја доби проф. д-р Александар Ставридис, хирург – уролог.
Наградите на добитниците ќе им бидат врачени на 11 Октомври во 12 часот во Собранието на Македонија.
