Министерството за здравство потврди дека директорот на Универзитетската клиника за радиотерапија и онкологија Милан Ристевски е разрешен. На негово место за в.д. директор е назначен Никола Васев.

„Во врска со шпекулациите во јавноста за наводно разрешување директори на скопските клиники, информираме дека Министерството за здравство досега го разреши единствено директорот на Универзитетската клиника за радиотерапија и онкологија. Министерството за здравство се оградува од сите непроверени и непотврдени наводи, и уште еднаш потенцираме дека единствено Министерството за здравство ќе ја информира јавноста на оваа тема“, соопшти Министерството за здравство.

Ристески беше дел од протестите на иницијативата „За заедничка Македонија“ и беше забележан во Собранието на 27 април, кога беа претепани и повредени над 100 пратеници, новинари, полицајци и граѓани.