Синоќа се запали дискотека во Кочани и според проценки на екипите за спасување загинати се над 30 лица. Според првичните информации на екипите на Дирекцијата за заштита и спасување и Центарот за управување со кризи над 100 млади луѓе се повредени, а најмалку 30 лица загинале во пожарот.
Директорот на Центарот за управување со кризи Стојанче Ангелов утрово изјави дека во моментов заедно со министерот за внатрешни работи Панче Тошковски и директорот на Бирото за јавна безбедност Александар Јанев се во Кочани, се работи на собирање на информации по што ќе дадат официјална информација.
Обвинителството соопшти дека сите надлежни служби, вклучително и јавен обвинител од Основното јавно обвинителство Кочани, се на терен. Бројот на жртви и повредени во пожарот се утврдува. Се уште се преземаат дејствија и се врши увид. Јавниот обвинител на Република Северна Македонија, како и основните јавни обвинители на ОЈО Скопје и на ОЈОГОКК се на пат кон Кочани. На кочанското обвинителство ќе му бидат ставени на располагање сите капацитети на обвинителствата за итно постапување.
СЛЕДЕТЕ ГИ СДК.МК И НАШИТЕ СОЦИЈАЛНИ МЕДИУМИ ЗА НОВИ ИНФОРМАЦИИ.
А. АНТЕВСКА
