Во канцеларијата на Народниот правобранител, утре од 7 до 19 часот, на денот на одржување на вториот круг на претседателските избори и 11.парламентарните избори, ќе може да се пријави каква било повреда на избирачкото право на бесплатната телефонска линија 0800 54321.

Освен на бесплатниотброј, ќе може да се пријават повреди на избирачкото право и лично во главната канцеларија во Скопје, на улицата Македонија бр.19 во зградата на „Макошпед“, спроти спомен-куќата на Мајка Тереза.

Исто така, утре на денот на изборите дежурства ќе има и во Подрачните канцеларии: Струмица на (034)329-996, Кичево (045).228-586, Тетово на (044) 344-082, Битола на (047) 242-310, Штип на (032) 389-701 и во Куманово на (031) 431-488.

Народниот правобранител заради заштита на избирачкото право на граѓаните ќе презема итни мерки за ефективно постапување од надлежните органи во изборниот процес и другите институции кои се должни да им обезбедат заштита на граѓаните остварување на нивното загарантирано избирачко право.