Министерот за надворешни работи Бујар Османи вели дека го нема добиено формално предлогот на Француското претседателство за одблокирање на македонските евроинтеграции и додека за него не се изјаснат земјите членки на ЕУ, вклучувајќи ја и Бугарија, не е во наш интерес да ги кажеме нашите позиции. На денешната прес-конференција со ватиканскиот надбискуп Пол Ричард Галагер, Османи рече дека ги следи со внимание сите јавни објави и сите реакции на граѓаните и би сакал да може да каже повеќе.

„Тоа што се случува е дека вчера има предлог на претседателството до земјите членки вклучувајќи ја и Република Бугарија, за да се изјаснат за одредени идеи кои што Француското претседателство смета дека можат да бидат основа за продолжување на процесот. Јас мислам дека не е во наш интерес ние да ги кажеме нашите позиции во однос на таквите предлози додека не ги слушнеме позициите на земјите членки, откако земјите членки ќе ги изразат своите забелешки, а тоа се 26 земји членки, секоја да каже свој став“, рече тој.

Османи додаде дека доколку се унифицира, а и Бугарија го каже својот став, тогаш и ние ќе ги кажеме нашите ставови.

„Очекувам разбирање, правиме анализа на секој збор, на секоја реченица, но сметам дека треба да ја испочитуваме процедурата, да чекаме како ќе се изјаснат 27 земји членки, односно 26, имајќи предвид дека Франција има дистрибуирано свој став“, вели министерот за надворешни работи.

Понатаму тој рече дека не сака нашите ставови да бидат злоупотребени ниту во дебатата во Софија, ниту да се изложат нашите позиции без да се знае кои ќе бидат позициите на земјите членки.

• СИТЕ БУГАРСКИ БАРАЊА, ОСВЕН НЕПОСТОЕЊЕТО НА МАКЕДОНСКИОТ ЈАЗИК, ВЛЕГУВААТ ВО ПРЕГОВАРАЧКАТА РАМКА ЗА ЕУ
• И МАКЕДОНИЈА И БУГАРИЈА ДА ИМААТ СВОЈА ИЗЈАВА ЗА МАКЕДОНСКИОТ ЈАЗИК ВО ПРЕГОВАРАЧКАТА РАМКА СО ЕУ, ВЕЛИ ФРАНЦУСКИОТ ПРЕДЛОГ
• МАКЕДОНИЈА НЕМА ДА ГИ ПОЧНЕ ПРЕГОВОРИТЕ ПРЕД ДА ГИ ВНЕСЕ БУГАРИТЕ ВО УСТАВОТ, КАЖА ПЕТКОВ ЗА ФРАНЦУСКИОТ ПРЕДЛОГ
• ВЛАДАТА ЈА СТАВИ НАШАТА СУДБИНА ЦЕЛОСНО ВО БУГАРСКИ РАЦЕ, ТРЕБА ДА СИ ПОНЕСЕ ПОЛИТИЧКА ОДГОВОРНОСТ, ВЕЛИ ПОРАНЕШНИОТ МИНИСТЕР НИКОЛА ДИМИТРОВ
• ФРАНЦУСКИОТ ПРЕДЛОГ Е ЧЕКОР ВО ПРАВИЛНА НАСОКА, НО ТРЕБА ДА СЕ РАЗЈАСНАТ НЕКОИ ПРАШАЊА ПРЕД ДА СЕ КРЕНЕ ВЕТОТО, ВЕЛИ РАДЕВ