Бугарскиот премиер Кирил Петков кажа дека во Бугарија не постои македонско малцинство и за такво малцинство дури не може да се зборува, во интервју за бугарската телевизија „БТВ“. Петков, кој во вторник доаѓа во Скопје, беше прашан дали разговарал со претставници на американската амбасада во Софија за признавање на македонското малцинство во Бугарија.
„Никогаш, никогаш. Нема такво малцинство и за такво малцинство дури не може да се зборува. Треба да го кажам јасно за сите гледачи, по таа тема има целосен консензус, за таа тема дури и не може да се водат дискусии“, одговори Петков.
Прашан за какви компромиси е подготвен, тој одговори дека тоа може да биде авионската линија Софија-Скопје.
„Бугарија може да биде иницијатор за стартување на линијата Софија-Скопје. Компромисот е кој ќе ја организира, тој и да ја финансира таа линија“, вели Петков.
- КАЈ ПЕНДАРОВСКИ ДОАЃААТ ПРЕТСТАВНИЦИ НА ОМО ИЛИНДЕН ПИРИН, ЗДРУЖЕНИЕТО НА МАКЕДОНЦИ ОД БУГАРИЈА КОЕ ДОБИ 11 ПРЕСУДИ ВО СТРАЗБУР ПРОТИВ ДРЖАВАТА
- БУГАРИЈА МОРА ДА ГИ СПРОВЕДЕ ПРЕСУДИТЕ ЗА ПРЕКРШУВАЊЕ НА ЧОВЕКОВИТЕ ПРАВА, AMA НИЕ НЕ MOЖЕМЕ ДА ЈА ПРИСИЛИМЕ, ВЕЛИ ПРЕТСЕДАТЕЛОТ НА СУДОТ ВО СТРАЗБУР
Понатаму, тој кажа дека ќе бара правата на Бугарија да бидат вклучени во македонскиот устав.
„Сакаме гаранции, кои што секој еден граѓанин на ЕУ треба да ги има, а тоа е нулта толеранција за дискриминација. Сакаме правата на Бугарите таму да се вклучени во уставот“, кажа Петков.
