Ноќеска пред семејната куќа изгоре автомобилот “ауди” на поранешниот градоначалник на Скопје Петре Шилегов.

Од Министерството за внатрешни работи велат дека во моментов се врши увид и се работи на расчистување на случајот.

“На 09.03.2022 во 03,20 часот било пријавено дека на ул.“Петре Пирузе“ во Скопје настанал пожар во патничко моторно возило „ауди“ со скопски регистарски ознаки, сопственост на правно лице, а паркирано од Ј.Ш.. Од пожарот зафатени биле и патнички моторни возила „пасат“, „матиз“ и „нисан“ со скопски регистарски ознаки, сите сопственост на Д.М.(53)”, велат од Министерството за внатрешни работи.