Омикрон варијантата на ковид-19 е детектирана кај 9 пациенти од анализирани 24 примероци на позитивни на коронавирусот, соопшти Министерството за здравство. Тоа е 37,5% од позитивните примероци. Сите се од Скопје и еден од Кочани.

Министерството информира дека анализите се направени во лабораторијата за вирусологија на Институтот за јавно здравје. Изработените 24 примероци позитивни на SARSCoV2, се од пациенти од Скопје, Кочани, Велес, Гевгелија и Богданци.

Прв случај на сојот омикрон во Македонија беше детектиран на 22 декември, кај прележан и вакциниран патник кој дошол во земјава од Велика Британија, и имаше полесна клиничка слика.