Оштетувања од вчерашниот силен земјотрес има и во Градска општа болница-хирургија „Св. Наум Охридски“, каде има испукани ѕидови и прозори и паднати плочки. Екипа на ИЗИИС денеска направила увид на оштетувањата и утврдила дека штетата не е сериозна и нема да пречи во нормалното функционирање на болницата, потврдија од болницата за САКАМДАКАЖАМ.МК. „Има оштетувања на преградните ѕидови. Не е страшно и тоа нема да ни пречи нормално да работиме. Наскоро треба да има обнова на болницата, па ќе биде санирана и оваа штета“, изјави доктор Никола Груев.

Од вчера примените пациенти во болницата со повреди по земјотресот, тројца се оперирани од скршеници и исекотини и се во добра состојба, а 17-мина се третирани амбулантно.