ОТВОРЕНА ИНТЕРНЕТ СТРАНИЦА ПРЕКУ КОЈА МАКЕДОНСКИТЕ ГРАЃАНИ МОЖАТ ДА ИМ ПОНУДАТ СМЕСТУВАЊЕ НА БЕГАЛЦИТЕ ОД УКРАИНА

    ОТВОРЕНА ИНТЕРНЕТ СТРАНИЦА ПРЕКУ КОЈА МАКЕДОНСКИТЕ ГРАЃАНИ МОЖАТ ДА ИМ ПОНУДАТ СМЕСТУВАЊЕ НА БЕГАЛЦИТЕ ОД УКРАИНАПовеќе од два милиона луѓе избегале од Украина за две недели (Фото: АП)

    Украинската амбасада во Скопје соопшти дека е во функција интернет-страницата prykhystok.in.ua, преку која македонските граѓани можат да им помогнат и обезбедат сместување на Украинците кои бегаат од руската инвазија, која утре влегува во третата недела.

    „На оваа страница можете да објавите информации за населени места, број на слободни места и контакти, на кои можете да понудите или да најдете бесплатно сместување. Тоа е сигурен и докажан сервис кој помага да се координираат напорите на оние кои бараат помош и оние кои можат да ја обезбедат. Ги повикуваме граѓаните на Република Северна Македонија да ја користат веб-страницата ‘Прихисток‘ доколку сакаат со домување да им помогнат на жените и децата кои биле принудени да дојдат во земја бегајќи од војната“, објави амбасадата.

    Според Обединетите нации, повеќе од два милиона луѓе избегале од Украина за две недели, од кои 1,2 милиона во Полска.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира