ПОЧИНА АКАДЕМИК МАТЕЈА МАТЕВСКИ

    ПОЧИНА АКАДЕМИК МАТЕЈА МАТЕВСКИНа јубилејното, 50-то издание издание на Струшките вечери на поезијата во 2011 година, Матевски го доби Златниот венец

    Истакнатиот македонски поет и академик Матеја Матевски почина ноќеска на 89 години.

    Матевски е роден во Истанбул во 1929 година, детството го поминал во Гостивар, а студирал во Белград и Скопје, каде завршил Филозофски факултет. Работел како наставник по македонски јазик, а потоа бил новинар во Радио Скопје.

    Бил генерален директор на Радиотелевизија Скопје, членувал на Друштвото на писателите на Македонија и во МАНУ, а беше и претседател на Академијата во 2001-2004.

    На јубилејното, 50-то издание издание на Струшките вечери на поезијата во 2011 година, Матевски го доби „Златниот венец“.

    Автор е на стихозбирките: „Дождови“, „Рамноденица“, „Перуника“, „Круг“, „Липа“, „Раѓање на трагедијата“, „Оддалечување“, „Црна кула“, „Завевање“, „Мртвица“, „Внатрешен предел“, „Заминување на светулката“ .

    Погребот на академик Матевски ќе биде извршен утре во 12 часот на Градските гробишта Бутел во Скопје.

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира

    Коментари