Патнички автобус со 50-тина патници попладнево околу 17 часот излетал и се превртел од кај село Ласкарци на излезот од Скопје, движејќи се по новиот пат кон село Бојане, потврдија од Здравствен дом Скопје.

На местото на сообраќајната несреќа испратени се 11 амбулантни возила, од Скопје, Куманово и Тетово. Има повредени патници и тие се пренесуваат кон болницата „8 Септември“ и Ургентен центар на Клинички. Од таму велат дека се екипирани и подготвени, но засега не можат да кажат со какви повреди се патниците, бидејќи уште ги носат.

Од МВР сè уште чекаат поконкретни информации.