Министерството за одбрана го намалува бројот на луѓе кои имаат НАТО сертификати, со измените на Законот за класифицирани информации кој е во собраниска процедура, рече министерката за одбрана Радмила Шекеринска. Таа кажа рече дека нема потреба толку многу луѓе да имаат пристап до класифицирани информации.

„Ни укажаа дека нема потреба толку многу луѓе да имаат пристап до класифицирани информации. Претходно биле издадени 1.500 вакви сертификати, сега тоа го сведовме на 300. Буквално се штанцале сертификати, имало јавувања по телефон, се вршеле притисоци. Овие сертификати се издавале на повеќе години, а сега ќе се даваат на шест месеци и само за оние што ќе учествуваат во мисиите“, рече Шекеринска.

Е. БОЧВАРОСКА