Државниот обвинител Љубомир Јовески на денешната прес-конференција кажа дека четврти ден по несреќата во Бугарија, во која целосно се запали автобус на агенцијата „Беса транс“ и изгореа 44 патници, сепак брои за жал, 45 жртви.

„Сликите што ги видовме се слики на целосно оштетен автобус. При вештачењето на изгорениот автобус во неговите изгорени делови е најдено уште едно тело, тело на младо лице“, кажа денеска Јовески на прес-конференцијата по повод доаѓањето на претставници од Обвинителството на Бугарија, кои денеска дојдоа во Скопје по ДНК-примероци од блиските на загинатите македонски државјани, заради нивна побрза идентификација.

Претставници од нашето обвинителство и од Институтот за судска медицина, ќе присуствуваат на утрешната идентификација на жртвите.

С. К. ДЕЛЕВСКА