Кандидатката на ВМРО-ДПМНЕ Гордана Сиљановска – Давкова има 128.521 гласови (36,01%), што е двојно повеќе од кандидатот на СДСМ Стево Пендаровски – 62.484 гласови (17,51), по преброени 42,13 отсто од преброените гласови, според првичните неофицијални резултати на Државната изборна комисија од првиот круг на претседателските избори.
Кандидатот на ГРОМ Стевчо Јакимовски има 3.315 гласови (0,93%), кандидатот на ДУИ Бујар Османи има 62.772 гласови (17,59%), кандидатката на Левица Билјана Ванковска – Цветковска има 15.095 гласови (4,23%), кандидатот на албанската опозиција Арбен Таравари има 45.932 гласови (12,87%) и кандидатот на ЗНАМ Максим Димитриевски има 27.013 гласови (7,57%).
До 18.30 часот, половина час пред затворање на избирачките места, одзивот на гласачите на првиот круг од претседателските избори е 48,46 отсто од податоците доставени до Државната изборна комисија.
