По дводневна расправа, Собранието вечерва ги усвои законските измени за одложување на пописот од април за септември, нешто што беше договорено на лидерската средба на Заев и Мицкоски во понеделникот.

За измените на Законот за попис на населението, домаќинствата и становите гласаа 95 пратеници, а против беа 12. Немаше воздржани.

Со ист број на гласови беа усвоени измените на Изборниот законик со кој се одложија локалните избори од првата за втората половина на октомври, а се изгласа и да се користат терминали за отпечатоци од прст на изборите.