СУДИЈКАТА ШТО СЕ ПЛАШЕШЕ ДА ГО ВИКНЕ ГРУЕВСКИ ДА СВЕДОЧИ ГО ОСУДИЛА КОЛУМНИСТОТ ШТО ПИШУВАЛ ПРОТИВ ЛАТАС, ЗА ШТО СЕГА ДРЖАВАТА ТРЕБА ДА ПЛАЌА ОТШТЕТА

    СУДИЈКАТА ШТО СЕ ПЛАШЕШЕ ДА ГО ВИКНЕ ГРУЕВСКИ ДА СВЕДОЧИ ГО ОСУДИЛА КОЛУМНИСТОТ ШТО ПИШУВАЛ ПРОТИВ ЛАТАС, ЗА ШТО СЕГА ДРЖАВАТА ТРЕБА ДА ПЛАЌА ОТШТЕТАОткако Башевска го осудила новинарот тужен од Павловиќ, тој се жалел, но пресудата ја потврдиле три судијки во совет во Апелациониот суд Скопје. Неофицијално, едната е во пензија, другата суди прекршоци во истиот суд, третата е унапредена во кариерата. - Тужителот Драган Павловиќ - Латас (Фото:СДК.МК)

    Љубинка Башевска е судијката од Основниот кривичен суд Скопје која го осудила новинарот Никола Гелевски за колумна против новинарот и бизнисмен Драган Павловиќ – Латас што ја напишал во 2009 година во „Утрински весник“ за време на режимот на Никола Груевски.

    САКАМДАКАЖАМ.МК вчера го праша Гелевски кои се судиите кои го осудиле првостепено, а потоа и во втор степен, во Апелација.

    Не се сеќавам кој беа судиите-кривичари, јас и не ги познавам, ниту ми требаше да ги знам. Знам само дека на судењето Павловиќ беше дрзок, ѝ се закануваше на судијката во судница“, ни рече Гелевски.

    Башевска е судијката која беше една од најблиските соработници на експретседателот на Основниот кривичен суд Владимир Панчевски, таа која го водеше измислениот случај „Пуч“ дека прислушувале странци со жолти комбиња и една година не даваше да дојде Никола Груевски да сведочи и да го објасни тоа, на барање на СЈО.

    Европскиот суд за човекови права во Стразбур во септември 2020 донесе пресуда со која ѝ се наложува на Република Северна Македонија да му исплати надомест за штета во висина од 3.000 евра на поранешниот колумнист во „Утрински весник“ Никола Гелевски.

    Пресудата од Стразбур е поради повредено право на слобода на изразување на Гелевски. Ова уставно загарантирано право на Гелевски му го повредиле првостепениот, Апелациониот суд, но и Уставниот суд, бидејќи и таму поднел претставка против пресудите против него, а по тужба за клевета од тогашниот бизнисмен и новинар Драган Павловиќ-Латас.

    Откако Башевска го осудила новинарот тужен од Павловиќ, тој се жалел, но пресудата ја потврдиле три судијки во совет во Апелациониот суд Скопје. Неофицијално, едната е во пензија, другата суди прекршоци во истиот суд, третата е унапредена во кариерата.

    Во 2009 година тогашниот главен уредник на телевизија „Сител“ и поранешен главен и одговорен уредник на весникот „Вечер“ – Драган Павловиќ-Латас, покренал судски процес против Никола Гелевски поради неговиот текст, „Мегафоните од фиреровиот сокак“, објавен на 31 март 2009 година во „Утрински весник“. Павловиќ тогаш сметал дека Гелевски ги повредил неговите чувства и го тужел.

    Судскиот процес траел околу една година, а Павловиќ, пред македонските судови, во време на Груевски, ја добил приватната тужба за навреда и клевета против некогашниот колумнистот Гелевски.

    Тогаш многумина граѓани, интелектуалци и политичари го тужеа Павловиќ за навреда и клевета, но ниеден судски курир не можеше да го пронајде и да му врачи судска покана.

    Откако пресудата против Гелевски ја потврдија Апелациониот и Уставниот суд, Гелевски поднел тужба до Судот за човекови права во Стразбур, кој пресуди во негова корист.

    С. К. ДЕЛЕВСКА

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира